• 12 Jun 2025

Bakı Avrasiya Universitetinin (BAAU) Karyera və Təlim Mərkəzinin təşkilatçılığı ilə keçirilən “Karyera Həftəsi” adlı layihəsi uğurla yekunlaşıb.

Lahiyə çərçivəsində tələbələr üçün müxtəlif seminarlar, təlimlər və peşəkar inkişaf sessiyaları keçirilib. Sözgedən layihənin əsas məqsədi tələbələrin əmək bazarına inteqrasiyasını asanlaşdırmaq, onların karyera planlaması və şəxsi inkişaf bacarıqlarını gücləndirmək olub. Tələbələr eyni zamanda yerli və beynəlxalq şirkətlərin nümayəndələri ilə görüşlərdə iştirak edərək real iş mühitinin tələbləri barədə ətraflı məlumat əldə ediblər. 

Təlimlər zamanı tələbələrə həmçinin CV hazırlanması, müsahibə bacarıqları, məqsəd təyini, inkişaf planı və özünükəşf mövzularında praktiki biliklər təqdim olunub.

Tədbirin sonunda iştirakçı tələbələrə lahiyə boyu göstərdikləri fəallığa görə sertifikatlar təqdim olunub.