• 19 Nov 2025

Bakı Avrasiya Universiteti (BAAU) ilə Universitetin Həmkarlar İttifaqı Komitəsi arasında əmək münasibətlərinin tənzimlənməsi, əməkdaşların sosial təminatının gücləndirilməsi və tərəfdaşlığın genişləndirilməsi məqsədilə kollektiv müqavilə imzalanıb.

Sənədi BAAU-nun rektoru, dosent Səyavuş Qasımov və komitənin sədri Şəfahət Əliyev imzalayıblar.

Müqavilə əməkdaşların hüquq və maraqlarının müdafiəsi, onların sosial rifahının yaxşılaşdırılması, sağlam və səmərəli iş mühitinin təmin edilməsi istiqamətində bir sıra müddəaları özündə ehtiva edir. Sənəd həmçinin əmək münasibətlərinin daha sistemli, şəffaf və qarşılıqlı əməkdaşlıq prinsipinə əsaslanaraq təşkilini nəzərdə tutur.

Tərəflər qeyd ediblər ki, imzalanan kollektiv müqavilə universitetdə sosial tərəfdaşlığın inkişafına mühüm töhfə verəcək və əməkdaşların iş şəraitinin daha da yaxşılaşdırılmasına xidmət edəcək.