• 17 Oct 2025

Bakı Avrasiya Universitetinin (BAAU) rektoru, dosent Səyavuş Qasımov Türkiyə Respublikasının Çankırı Karatekin Universitetindən gələn beş nəfərlik nümayəndə heyətini qəbul edib.

Görüş zamanı iki ali təhsil müəssisəsi arasında idarəetmə və keyfiyyət təminatı təcrübəsinin paylaşılması, akademik heyətin inkişafı, birgə təlim proqramlarının təşkili, eləcə də qarşılıqlı səfərlər və mədəni layihələrin həyata keçirilməsi istiqamətində əməkdaşlıq perspektivləri müzakirə olunub.

Tədbir çərçivəsində nümayəndə heyəti ilə BAAU-nun Filologiya, Regionşünaslıq və İqtisadiyyat fakültələrində görüşlər keçirilib. 

Görüşlər zamanı fakültələr arasında elmi, tədris və mədəni əlaqələrin genişləndirilməsi, birgə layihələrin icrası və tələbə-müəllim mübadiləsi kimi məsələlər ətrafında fikir mübadiləsi aparılıb.

Sonda tərəflər gələcəkdə əməkdaşlıq əlaqələrinin daha da möhkəmləndirilməsinin əhəmiyyətini vurğulayıb və bu istiqamətdə ortaq layihələrin həyata keçirilməsi barədə razılığa gəliblər.