• 19 Dec 2024

Bakı Avrasiya Universiteti (BAAU) ilə Azərbaycan Respublikası Əmək və Əhalinin Sosial Müdafiəsi Nazirliyinin tabeliyində fəaliyyət göstərən Əmək Bazarı və Sosial Müdafiə Məsələləri üzrə Milli Observatoriyanın  idarə heyətinin sədr müavini i.ü.f.d., dos. Elçin Süleymanov arasında universitet ilə gələcək əməkdaşlıq məsələləri müzakirə edilib.
 BAAU-da görüş zamanı rektor dos. Səyavuş Qasımov Milli Observatoriyanın İdarə Heyəti sədrinin müavini dos. Elçin Süleymanova qarşılıqlı əməkdaşlığın hər iki tərəfin strateji planlarına uyğun olduğunu bildirib. Rektor hazırda Universitetin apardığı elmi-tədqiqat sahələri, kadr hazırlığı, əmək bazarı ilə əməkdaşlıq və məzunların işlə təmin olunması istiqamətində görülən işlər barədə məlumat verib.
Görüş zamanı BAAU ilə Milli Observatoriya arasında əməkdaşlıq perspektivləri də geniş müzakirə olunub. Xüsusilə məzunların işlə təmin olunması və gələcəkdə daha çox tələbat yaranacaq ixtisasların müəyyənləşdirilməsi barədə fikir mübadiləsi aparılıb.
Görüşdə Regionşünaslıq və İqtisadiyyat fakültəsinin dekanı, dos. Mütəllim Rəhimov da ştirak edib.