• 20 Dec 2024

Bakı Avrasiya Universitetinin (BAAU) Ərəbşünaslıq Mərkəzinin təşkilatçılığı ilə 18 Dekabr-  Beynəlxalq Ərəb Dili Gününə həsr edilmiş tədbir keçirilib. Tədbirə BAAU-nun, Azərbaycan Dillər Universitetinin və Bakı Dövlət Universitetinin ərəb dili müəllimləri, İslam Əməkdaşlıq Təşkilatı, Əlyazmalar İnstitutu, Şəms Tərcümə Mərkəzinin nümayəndələri və tələbələr iştirak ediblər.
Tədbirin açılış nitqini BAAU-nun Beynəlxalq əlaqələr üzrə prorektoru, dosent Sevda Rzayeva, Filologiya fakültəsinin dekanı, dosent Salman Süleymanov və universitetin Ərəbşünaslıq Mərkəzinin elmi rəhbəri, dosent Ülviyyə Hüseynova edib. Çıxışçılar ərəb dilinin dünya mədəniyyəti və elmindəki əhəmiyyətini vurğulayıb, bu dilin beynəlxalq əlaqələrdəki rolunun artdığına diqqət çəkiblər. Azərbaycanda çoxsaylı ali təhsil müəssisələrində ərəb dilinin tədris edildiyi bildirilib və tədbir iştirakçıları əlamətdar gün münasibətilə təbrik edilib.
Tədbir bədii hissə ilə davam edib. Bədii hissədə Beynəlxalq Ərəb Dili Günü haqqında məlumat verilib. Ərəb dilinin zəngin tarixi və mədəniyyəti haqqında videoçarx nümayiş etdirilib. Həmçinin, ərəbcə şeirlər oxunulub və mahnılar ifa edilib.