Mərkəz türkologiya sahəsində fundamental elmi araşdırmalar aparır və əldə olunan nəticələri geniş ictimaiyyətə təqdim edir. Mərkəzin Bakı Avrasiya Universitetinin Təsisçilər Şurasının sədri, professor Nazim Hüseynliynin təşəbbüsü və Türkiyə Respublikasının Azərbaycandakı Səfirliyinin dəstəyi ilə 1999-cu il sentyabrın 1-də yaradılmışdır. Mərkəzin ilk rəhbəri tibb elmləri doktoru, professor Nurəddin Rzayev olmuşdur. Hazırda, fəlsəfə elmləri doktoru, professor Nazim Hüseynli rəhbərlik edir.
Türkoloji Araşdırmalar Mərkəzinin (TAM) məqsədi, türkoloji sahədə aparılan elmi-tədqiqat işlərinin əhatə dairəsini genişləndirmək, elmi ictimaiyyətə çatdırılmasını təmin etmək və təkanverici dairələr arasında səmərəli əməkdaşlıq aparılmaqdır.
Prototürk, türk, türkdilli millət, xalq və etnik qrupların tarixi, dövlətçiliyi, elm və incəsənəti, mədəniyyəti, təsərrüfat, adət-ənənələrini tədqiq etməkdir. Burada türk ədəbiyyatı, dilçilik, araşdırmaları, ədib və mütəffəkirlərin irsinin tədqiqi ilə yanaşı dövlət xadimləri, ictimai-siyasi liderlərin də həyat və yaradıcılığı, dövlətçilik və idarəçilik fəaliyyəti elmə, faktlara istinadən araşdırılır. Mərkəzin fəaliyyət istiqamətlərinə və cari və prespektiv iş planına əsasən, tarixi-hüquqi kitablar, dastan, sözlük və digər elmi-kütləvi nəşrlər üzərində müntəzəm tədqiqat işləri aparılır.
E-poçt: [email protected]
Ünvan: Bakı, Ak. H.Əliyev küçəsi, 135 A, AZ1110
Telefon: (+994 12) 564-63-67
