XƏBƏRLƏR

BAAU-nun İqtisadi Tədqiqatlar Mərkəzinin rəhbəri Cem Işık universitetə səfər edib

BAAU-nun İqtisadi Tədqiqatlar Mərkəzinin rəhbəri Cem Işık universitetə səfər edib
  • 17 Nov 2026

Bakı Avrasiya Universitetinin (BAAU) İqtisadi Tədqiqatlar Mərkəzinin rəhbəri Cem Işık universitetə səfər edib. Səfər çərçivəsində o, universitetin rəhbər heyəti, dekanlar, kafedra müdirləri, professor-müəllim heyətinin nümayəndələri və tələbələrlə görüşüb.

Cem Işık Tədris işləri üzrə prorektor, dos. Nigar Hüseynova, Elmi işlər üzrə prorektor, prof. Gülzar İbrahimova və Beynəlxalq əlaqələr üzrə prorektor, dos. Sevda Rzayeva ilə görüşlərdə ali təhsil sahəsində aktual məsələlər, tədris prosesinin təkmilləşdirilməsi və elmi-tədqiqat fəaliyyətinin inkişafı istiqamətləri barədə fikir mübadiləsi aparıb.

Daha sonra dekanlar, kafedra müdirləri və professor-müəllim heyətinin nümayəndələri ilə keçirilən görüşdə universitetin struktur bölmələrinin fəaliyyəti, tədris və elmi-tədqiqat istiqamətləri, eləcə də akademik fəaliyyətin prioritetləri müzakirə olunub. 

Səfər çərçivəsində tələbələrlə də görüş keçirilib. Cem Işık tələbələrin suallarını cavablandırıb, onların təhsil prosesi ilə bağlı fikir və təkliflərini dinləyib.

Cem Işıkın BAAU-ya səfəri universitetin akademik fəaliyyətinin əsas istiqamətlərinin müzakirəsi, tədris və elmi-tədqiqat proseslərinə dair fikir mübadiləsinin aparılması, eləcə də professor-müəllim heyəti və tələbələrlə birbaşa ünsiyyətin qurulması baxımından əhəmiyyət daşıyıb.

DİGƏR XƏBƏRLƏR