Mərkəzin əsas məqsədi qlobal səviyyədə iqlim dəyişmələrinin biomüxtəlifliyə təsiri, biomüxtəlifliyin gələcək nəsillər üçün etibarlı saxlanılması, biomüxtəlifliyin genom səviyyəsində tədqiqi və səmərəli istifadəsi üzrə elmi tədqiqat işi aparmaq, müxtəlif istiqamətdə beynəlxalq və yerli təşkilatlarla elmi əməkdaşlıq etmək, qlobal və regional elmi layihələrdə iştirak etmək, müasir elmi metodların Azərbaycana gətirilməsinə nail olmaq, elmin nailiyyətlərinin istehsalatda tətbiqini təşviq etmək, eləcə də biomüxtəliflik, genetika, genomika və bioinformatika sahələri üzrə universitetlərdə tədris olunan fənnlərin proqramlarının elmin müasir nailiyyətlərini nəzərə almaqla təkmilləşdirilməsi və akkreditasiyası işində iştirak etmək və gənc kadrların hazırlanmasına köməklik göstərməkdən ibarətdir.
Mərkəzin tədqiqat istiqamətləri: Mərkəz aşağıdakı istiqamətlərdə tədqiqat işi aparır və xarici tərəfdaşları ilə əməkdaşlıq edir:
a) Canlı orqanizmlərdə növdaxili və növlər arası gen axınının öyrənilməsi, genetik variasiyaların tədqiqi, kəmiyyət əlamətlərinin asossiativ xəritələşdirilməsi;
b) Sürətli və molekulyar seleksiya metodlarının öyrənilməsi, təkmilləşdirilməsi, optimallaşdırılması və genom redaktə texnologiyası;
c) Seçilmiş orqanizmlər üzrə genom sekvenslənməsinin aparılması və verilənlərin bioinformatik və biostatistik analizi;
d) Dünyada və Azərbaycanda strateji əhəmiyyətli bitkilərin və heyvanların filogenezinin öyrənilməsi;
e) Mikrobiom analizi və metagenom tədqiqatları;
f) Epigenetik tədqiqatlar
g) Süni intellektin biomüxtəlifliyin saxlanılması və genomika üzrə tədqiqatlara tətbiqi imkanları və s.
E-poçt: [email protected]
Ünvan: Bakı, Ak. H.Əliyev küçəsi, 135 A, AZ1110
Telefon: (+994 12) 564-63-67
