• 12 Oct 2023

Bakı Avrasiya Universitetində Bandırma 17 Eylül Universiteti, İstanbul Gelişim Universiteti, Tekirdağ Universiteti, eyni zamanda “Təkrar iqtisadiyyat və davamiyyət” jurnalı və İKSAD institutunun birgə təşkilatçılığı və Azərbaycanın  bir sıra qeyri-hökümət təşkilatlarının da iştirakı ilə “Təkrar emal iqtisadiyyatı və davamlılıq siyasətləri” adlı Beynəlxalq Konfrans keçirilir. Konfransa 13 ölkədən (Türkiyə, Azərbaycan, Hindistan, Braziliya, Pakistan, Tayland, İndoneziya, Tunis, İraq, Rumıniya,  Efiopiya, İrlandiya, Nigeriya) 45 məruzə ilə 82 iştirakçı qatılıb. Açılış mərasimində təşkilat komitəsinin rəhbəri, Tekirdağ Universitetinin professoru Durmuş Çağrı Yıldırım, Bakı Avrasiya Universitetinin elmi işlər üzrə prorektor, professor Gülzar İbrahimova və İKSAD İnstitutunun prezidenti iqtisad elmlər doktoru Mustafa Lətif Əmək çıxış ediblər. Plenar iclasda İstanbul Mədəniyyət Universitetinin professoru Seyfəddin Ərdoğan, İstanbul Gəlişim Universitetinin professoru Kənan Aydın, İstanbul Səbahəddin Zaim Universitetinin professoru Mustafa Dereci, Portuqaliya Azor Universitetinin professoru Rui Alexandre Marçal Dias Castanho, Hindistan Vidyasagar Universitetinin professoru Rameş Çandra Das, Rumıniya Buxarest  Universitetinin professoru Kristina Raluca Gh. Popescu, Bolqarıstan Təhlükəsizlik və İqtisadiyyat Ali Məktəbinin professoru Valentin Vasilevin davamlı iqtisadiyyat, üzən məzənnə, pərakəndə satış və infiliyasiya indeksinin təsiri, ətraf mühit siyasəti, yenilənəbilən qaynaqlar, ekosistemin qorunması, xarici investisiyaların gətirilməsi, dayanıqlı turizm və dayanıqlı xidmətlərlə bağlı çıxışları dinlənilib. Konfrans iştirakçılarının məruzələrinin dinlənilməsi və müzakirəsi 5 bölmədə davam edib.