- 03 Mar 2026
2026–2027-ci tədris ilinin payız və yaz semestrlərində, aşağıda adları qeyd olunan Türk Dövlətləri Təşkilatı Türk Universitetlər Birliyinə üzv universitetlərində tədris prosesində iki həftə iştirak etmək istəyən professor – müəllim heyəti üçün ORHUN Mübadilə Proqramına müraciətlər başlamışdır.
Üzv universitetlərin siyahısı ilə burada tanış ola bilərsiniz: https://turkunib.org/tr/members/
Müraciət üçün tələb olunan sənədlər:
1. Müəllim ərizə forması
2. Müəllim mübadilə proqramı
Sənədləri aşağıdakı linkdən əldə etmək mümkündür: https://turkunib.org/tr/orhun
Müraciət zamanı diqqət edilməli şərtlər:
- Müəllim mübadiləsi ali təhsil müəssisəsində çalışan akademik heyətin digər ali təhsil müəssisəsində müəyyən müddət ərzində tədris fəaliyyəti həyata keçirməsini nəzərdə tutur.
- Mübadilə proqramına müraciət etmək istəyən akademik heyət üstünlük verdikləri universitetin rəsmi internet saytına daxil olaraq tədris etdikləri fənlərin həmin universitetdə mövcud olub-olmadığını və tədrisin hansı dildə aparıldığını yoxlamalıdırlar.
- Akademik heyət üçün mübadilə müddəti tədris ili ərzində bir dəfə olmaqla 2 həftə təşkil edir.
- Daha əvvəl mübadilə proqramlarında iştirak etməyən professor-müəllim heyətinin müraciətlərinə üstünlük verilir.
- Professor-müəllim heyətinin səfər xərcləri göndərən universitet, qalma və yemək xərcləri isə qəbul edən universitet tərəfindən qarşılanır. Bu imkanlardan əlavə akademik heyətə nağd ödəniş nəzərdə tutulmur.
- Müraciət zamanı yalnız bir universitet və bir semestr seçimi edilə bilər.
- Bütün sənədlər elektron formada doldurulmalıdır.
Müraciətin son tarixi: 23 mart 2026-cı il
Mübadilə proqramında iştirak etmək istəyən professor – müəllim heyəti Beynəlxalq əlaqələr və layihələrin idarəedilməsi departamentinə müraciət edə bilərlər.
Əlaqə vasitələri:
eMail: [email protected]
Mob./Votsap: +994 55 200 16 33
Əlaqələndirici şəxs: Ülvi Həsənov
Proqram haqqında ətraflı məlumatı aşağıdakı ünvandan əldə etmək mümkündür: https://turkunib.org/tr/orhun
