• 08 Jan 2025

Misir Ərəb Respublikasının paytaxtı Qahirədə yerləşən Elm, Texnologiya və Dəniz Nəqliyyatı üzrə Ərəb Akademiyası Universitetinin ev sahibliyi ilə IX Beynəxalq Sosial Elmlər Simpoziumu (INCSOS) keçiriləcək. Bakı Avrasiya Universitetinin  təşkilat komitəsində yer aldığı Simpozium 24-26 aprel 2025-ci il tarixlərində təşkil olunacaqdır.

Daha əvvəl Malaga, Qüds, Buxara, Tırgovişte, Üsküp, Ankara və Bakı kimi mədəniyyət mərkəzlərində keçirilmiş INCSOS Simpoziumları elm adamlarına öz bilik və təcrübələrini paylaşmaq, yeni əməkdaşlıqlar qurmaq və akademik işlərini beynəlxalq platformada nümayiş etdirmək üçün geniş imkanlar yaratmışdır.

INCSOS Simpoziumun rəsmi dilləri türk, ingilis və ərəb dilləridir.

Simpozium iştirakçıları elmi müzakirələrin aparıldığı akademik sessiyalarla yanaşı, Qahirənin zəngin tarixini və mədəniyyətini kəşf etmək fürsəti də əldə edəcəklər.

Məkan
Elm, Texnologiya və Dəniz Nəqliyyatı üzrə Ərəb Akademiyası Universiteti, Qahirə/Misir

Tarix
24-26 aprel 2025

Simpozium haqqında ətraflı məlumatı təqdim olunan saytdan əldə edə bilərsiniz: https://incsos.net/