• 09 Nov 2024

Bakı Avrasiya Universitetinin (BAAU) Azərbaycan və dünya ədəbiyyatı kafedrasının təşkilatçılığı ilə 8 Noyabr Zəfər Gününə həsr edilmiş "Bayraq və Sərhəd" adlı hekayə yarışması təşkil olunub. Yarışmanın qalibləri 2024-cü ilin 7 noyabr tarixində keçirilən tədbirdə elan edilib.
Tədbirdə çıxış edən BAAU-nun Azərbaycan və dünya ədəbiyyatı kafedrasının müdiri, professor Elmira Məmmədova-Kekeç, Nəzəri dilçilik və türk dilləri kafedrasının müdiri, dosent Zəminə Rüstəmbəyli və həmin kafedranın müəllimi İlhamə Şıxıyeva iştirakçılara uğurlar arzulayaraq Zəfər Gününə həsr edilmiş hekayə yarışında fərqləndikləri üçün onları təbrik ediblər.
Müəllimlərdən ibarət münsiflər heyətinin qərarına əsasən hekayə yarışında BAAU-nun tələbələrindən Zemfria Hüseynli I yerə, Türkanə Zeynalova II yerə və Gülşn Həsənova III yerə layiq görülüb.
Yarışın iştirakçıları və qalibləri hədiyyə və sertifikatla təltif olunub və  xatirə şəkilləri çəkilib.