• 18 Nov 2024

Bakı Avrasiya Universitetinin (BAAU) Beynəlxalq Münasibətlər (ingilis bölməsi) ixtisası üzrə təhsil alan IV kurs tələbələrinin iştirakı ilə Azərbaycan-Pakistan münasibətləri ilə bağlı maarifləndirici təqdimat keçirilib.
Universitetin Humanitar fənlər və regionşünaslıq kafedrasının baş müəllimi Nazilə Durmazoğlunun rəhbərliyi ilə keçirilən təqdimatda BAAU-nun tələbələri iştirak edib.
Təqdimat zamanı BAAU-nun pakistanlı tələbələri Əhməd Sohail və Aman Rizwan tərəfindən Azərbaycan və Pakistan arasında olan dostluq əlaqələrinin əsas və iki ölkə arasında gələcəkdə davamlı əməkdaşlığın əhəmiyyəti vurğulanıb. Həmçinin, İkinci Qarabağ müharibəsi dövründə Pakistanın nümayiş etdirdiyi qətiyyətli həmrəylik xüsusilə qeyd olunub.
Tələbələr tərəfindən maraqla qarşılanan təqdimatda mövzu ilə bağlı suallar cavablandırılıb, fikir mübadiləsi aparılıb.