• 24 Dec 2024

Bakı Avrasiya Universitetində (BAAU) tələbələr üçün Alman Akademik Mübadilə Xidmətinin (DAAD) təqaüd proqramları haqqında məlumatlandırma sessiyası keçirilib.
Tədbirdə DAAD-nin alman dili müəllimi Klaudio Kasperl tələbələrə Almaniyada təhsil imkanları, DAAD-nin fəaliyyəti və təqaüd proqramları haqqında ətraflı məlumat verib. O, müraciət şərtləri, tələb olunan sənədlər və seçim meyarlarını detallı şəkildə izah edib.
Sessiya zamanı DAAD-nin bakalavr tələbələri üçün təşkil etdiyi yay məktəbləri və həmin proqramlara müraciət qaydaları diqqətə çatdırılıb.
Sonda tələbələri maraqlandıran suallar cavablandırılıb.