• 14 Dec 2024

Bakı Avrasiya Universitetinin (BAAU) Tələbə Elmi Cəmiyyətinin (TEC) nəzdində fəaliyyət göstərən Debat klubunun təşkilatçılığı ilə “Gender bərabərliyi” mövzusunda debat görüşü keçirilib. Tədbir universitetin tələbələri arasında gender bərabərliyi anlayışını genişləndirmək və mövzu ətrafında fikir mübadiləsi aparmaq məqsədini daşıyıb.
Görüş Debat klubunun sədri Ayxan Razıyevin moderatorluğu ilə baş tutub. Tədbirin ilk hissəsində gender bərabərliyi, gender gərabərliyinin pozulması növləri, bullinq, cinsi, irqi ayrı-seçkilik, müxtəlif peşə sahələrində qadın-kişi fəaliyyəti və əməkhaqqı məbləğlərinin statistikası ilə bağlı iştirakçılara məlumat verilib və bu mövzunun cəmiyyətdəki əhəmiyyəti vurğulanıb. Daha sonra tələbələr arasında geniş fikir mübadiləsi aparılıb, mövzu ilə bağlı müxtəlif baxışlar müzakirə edilib.
Tədbirdə iştirak edən BAAU-nun müəllimi Çimnaz İsmayılbəyli və TEC-in sədri Nərmin Nurullayeva mövzunun aktuallığını vurğulayıb və belə tədbirlərin tələbələr arasında ictimai şüurun formalaşmasında mühüm rol oynadığını qeyd ediblər. Onlar Debat klubunun bu təşəbbüsünü təqdirəlayiq addım kimi qiymətləndirərək, bu cür görüşlərin davamlı olaraq keçirilməsinin vacibliyini diqqətə çatdırıblar.