• 23 Oct 2025

Bakı Avrasiya Universitetində (BAAU) Karyera və Təlim Mərkəzinin təşkilatçılığı ilə “İş mühitində empatiya və etik ünsiyyət” mövzusunda psixoloji seminar keçirilib.

Seminarın əsas məqsədi tələbələrdə və gənc mütəxəssislərdə iş mühitində effektiv ünsiyyət bacarıqlarının formalaşdırılması, empatiya qabiliyyətinin inkişaf etdirilməsi və etik davranış mədəniyyətinin aşılanması olub.

Tədbirdə universitetin psixoloqu Nüşabə Quliyeva çıxış edərək işgüzar münasibətlərdə empatiyanın rolu, etik prinsiplərin qorunmasının peşəkar imicə təsiri və münaqişə vəziyyətlərində düzgün yanaşma üsulları barədə iştirakçılara ətraflı məlumat verib. 

Psixoloq, həmçinin, real iş mühiti nümunələri üzərində praktik məsləhətlər və psixoloji yanaşmalar təqdim edərək mövzunu daha əyani şəkildə izah edib.

Seminar interaktiv formada davam edib və iştirakçılarla fikir mübadiləsi aparılıb.