• 19 Dec 2024

Bakı Avrasiya Universitetinin (BAAU) Tələbə Elmi Cəmiyyətinin (TEC) nəzdində fəaliyyət göstərən Yazıçılar klubunun təşkilatçılığı ilə “Poeziya günü” adlı tədbir keçirilib.
Tələbələrin qiraətçilik bacarıqlarını formalaşdırmaq, nitq qabiliyyətlərini inkişaf etdirmək və özünü ifadə etmə yollarını öyrənmə məqsədi daşıyan klubun tədbirində BAAU-nun Azərbaycan və dünya ədəbiyyatı kafedrasının müdiri, professor Elmira Məmmədova-Kekeç, Nəzəri dilçilik və türk dilləri kafedrası müdiri, dosent Zəminə Rüstəmbəyli və tələbələr iştirak edib.
Tədbirin açılışını edən BAAU-nun Yazıçılar klubunun sədri Xanım Orucova klubun yaradılmasında əsas məqsədin tələbələr arasında ədəbiyyat və poeziyaya marağı artırmaq olduğunu qeyd edib. Klubun fəaliyyətindən bəhs edən sədr gələcəkdə keçiriləcək tədbirlər barədə məlumat verib.
Poeziya ruhunun gənclər arasında formalaşması və marağın artmasının təqdirəlayiq oldğunu qeyd edən kafedra müdirləri və BAAU TEC-in sədri Nərmin Nurullayeva ədəbiyyat və yaradıcılıq istiqamətində tədbirlərin genişləndirməsinin vacibliyini bildirərək klubun fəaliyyətinə uğurlar arzulayıblar.
Sonra Yazıçılar klubunun sədr müavini Zeynəb Babayeva təqdimatla çıxış edərək Azərbaycan poeziyasının dəyərli simaları haqqında məlumat verib.
Daha sonra BAAU-nun tələbələri həm öz yazdıqları, həm də digər şairlərin şeirlərini səsləndirərək tədbirə xüsusi bir rəng qatıblar.
Çıxışlar iştirakçılar tərəfindən maraqla qarşılanıb.