• 09 Feb 2025

Bakı Avrasiya Universitetinin (BAAU) Beynəlxalq əlaqələr üzrə prorektoru, dosent Sevda Rzayeva QS (Quacquarelli Symonds) Beynəlxalq Reytinq Agentliyinin regional direktoru Sergei Khristoliubov ilə görüş keçirib.
Görüş zamanı universitetlərin QS reytinqinə qoşulma prosesi, qiymətləndirmə prinsipləri və beynəlxalq tanınmanın əhəmiyyəti geniş müzakirə edilib. Eyni zamanda, reytinqdə iştirakın ali təhsil müəssisələrinə verə biləcəyi üstünlüklər barədə faydalı məlumatlar təqdim olunub.
Qeyd edək ki, BAAU beynəlxalq reytinqlərdə təmsilçiliyini artırmaq və qlobal akademik mühitdə mövqeyini gücləndirməkdə maraqlıdır və bu istiqamətdə strateji addımlarını uğurla davam etdirməkdədir.