• 11 May 2022

Bakı Avrasiya Universitetində Ulu Öndər Heydər Əliyevin anadan olmasının 99-cu ildönümünə həsr edilmiş “Müasir Azərbaycan dövlətçiliyinin qurucusu, Azərbaycan xalqının milli lideri Heydər Əliyevin siyasi-ideoloji fəaliyyəti ” adlı tədbir keçirilib. 

 Tədbirdə universitetin rəhbərliyi, professor-müəllim heyəti,tələbələr və ictimaiyyət nümayəndələri iştirak edib.

Əvvəlcə universitetin inzibati binasında yerləşən Ümummili Liderin büstü önünə gül dəstələri qoyularaq əziz xatirəsi ehtiramla yad edilib.

Tədbiri giriş sözü ilə açan universitetin tədris departamentinin rəhbəri, professor Mənsim Məmmədov 1974-cü ildə Naxçıvanda təhsil aldığı illərdə Naxcıvan Dövlət Universitetinin 50 illik yubileyində,  Ulu Öndərlə tarixi görüşündən  xoş xatirələrini bölüşdü.

Daha sonra natiqlər Ulu Öndərin xalqımıza göstərdiyi misilsiz xidmətlərindən danışaraq,bu gün hər birimizin dahi rəhbərin qurub yaratdığı, dünyaya tanıtdığı müasir, müstəqil Azərbaycanın vətəndaşları olmağımızla fəxr etdiklərini qeyd ediblər.

O da vurğulanıb ki,Heydər Əliyev tarixi şəxsiyyət olmaqla yanaşı, həm də tarix yaradan şəxsiyyətdir. Nə qədər ki, Azərbaycan var, Heydər Əliyev daima qəlblərdə yaşayacaq!