• 06 Dec 2024

Dekabrın 6-da Bakı Avrasiya Universiteti (BAAU) ilə Mirzə Ulugbək adına Özbəkistan Milli Universitetinin (The National University of Uzbekistan named after Mirzo Ulugbek (NUUz) arasında əməkdaşlıq memorandumunun imzalanma mərasimi keçirilib.
Memorandumu BAAU-nun Beynəlxalq əlaqələr üzrə prorektoru, dosent Sevda Rzayeva və NUUz-un nümayəndəsi İbroximali Normatov imzalayıb.
BAAU ilə NUUz arasında imzalanan memorandum çərçivəsində tələbə və müəllim mübadiləsi, birgə elmi tədqiqatlar, seminarlar və konfransların təşkili kimi fəaliyyətlər nəzərdə tutulur.
Qeyd edək ki, bu memorandum sənədi iki universitet arasında təhsil və tədqiqat sahələrində tərəfdaşlığın qurulması və inkişaf etdirilməsi məqsədi daşıyır.