• 13 May 2024

Bakı Avrasiya Universitetinin Humanitar elmlər və regionşünaslıq kafedrasının baş müəllimi, siyasi elmlər üzrə fəlsəfə doktoru Nazilə Durmazoğlu 22-26 aprel 2024-cü il  tarixlərində Rumıniyada  “Erasmus+” ‘Staff mobility for teaching” mobillik mübadilə proqramında iştirak edib. O,  Lucian Blaga Universitetinin Hüquq fakültəsində yerləşən Siyasi elmlər departamentində yerli tələbələrə mühazirələr keçib. Proqram çərçivəsində polşalı professor Agnieszka Hensoldtun  mühazirəsinin təqdimatını izləyib. Akademik heyətlə tanış olaraq gələcək əməkdaşlıq imkanlarını da müzakirə edib.

Qeyd edək ki, Avropa İttifaqının Erasmus+ Mobillik Proqramı çərçivəsində artıq bir neçə ildir ki, BAAU ilə Avropa ölkələrinin yüksək reytinqli universitetləri arasında professor-müəllim və tələbə mübadiləsi həyata keçirilir.