• 12 Apr 2023

Bakı Avrasiya Universitetinin Filologiya fakültəsinin dekanı, dosent Salman Süleymanov və Ümumi filologiya kafedrasının müdiri dosent Elmira Məmmədova-Kekeç ERASMUS+ proqramı çərçivəsində Türkiyə Cümhuriyyətinin Niğde Ömer Halisdemir Universitetində olublar.

Ezamiyyə müddətində Elmira Məmmədova-Kekeç Fənn-Ədəbiyyat fakültəsinin magistratura və doktorantura səviyyəsində təhsil alan tələbələrinə “Azərbaycan ədəbiyyatı”, “Azərbaycan folkloru” və “Türk xalqları ədəbiyyatında vücudnamələr” mövzuları üzrə mühazirələr oxumuşdur.

Səfər çərçivəsində proqram koordinatoru Hulya Üründü, Fənn-ədəbiyyat fakültəsinin dekanı Prof. Dr. Orhan Yalçın, İslami Elmlər  fakültəsinin dekanı Prof. Dr. Nevzat Topal, dekan müavini Muhammet Berat Can Universitet haqqında geniş məlumat verməklə yanaşı, tədris işləri və elmi tədqiqatla bağlı təcrübələrini paylaşıblar.  Çağdaş Türk Ləhcələri və Ədəbiyyatları Bölümünün rəhbəri Prof. Dr. Hikmət Koraşla və professor-müəllim heyəti ilə görüşdə əməkdaşlıqla bağlı müzakirələr aparılıb.