• 02 Dec 2024

Dekabrın 2-də Azərbaycan Tələbə Gənclər Təşkilatları İttifaqının (ATGTİ) VII Hesabat-Seçki Konfransı keçirilib. Ölkənin müxtəlif ali təhsil müəssisələrindən tələbə gənclər təşkilatları nümayəndələrinin iştirak etdiyi tədbirdə ATGTİ-nin son iki illik fəaliyyətinin yekunları müzakirə olunub və gələcək hədəflər müəyyən edilib.
Tədbir çərçivəsində Bakı Avrasiya Universitetinin (BAAU) Tələbə Gənclər Təşkilatının (TGT) sədri Fidan Əzizova təltif edilib. O, ATGTİ-nin, eləcə də tərkibində olduğu Tələbə Gənclər Təşkilatının 2022–2024-cü illər ərzində missiyasının uğurla həyata keçirilməsində göstərdiyi fəal iştirakına və İdarə Heyətinin fəaliyyətinin təşkilindəki müstəsna xidmətlərinə görə təqdim olunub.
Tələbəmizə universitetin sosial həyatında göstərdiyi müstəsna xidmətlərə görə təşəkkür edir və uğuru münasibətilə təbrik edirik.