• 24 Oct 2024

Bakı Avrasiya Universitetinin (BAAU) Filologiya fakültəsinin tələbələri böyük Azərbaycan şairi və dramaturqu Hüseyn Cavidin doğum günün münasibətilə Azərbaycan və dünya ədəbiyyatı kafedrasının baş müəllimi Çiçək Hüseynovanın rəhbərliyi altında ədibin ev-muzeynə anım ziyarəti təşkil ediblər.
Tələbələr Hüseyn Cavidin yardıcılığı və həyatına dair muzeydəki qiymətli eksponatlarla yaxından tanış olublar. Ekspozisiyada şairin əlyazmaları, müxtəlif dövrlərdə çap olunmuş əsərləri, onun xatirə əşyaları, təsviri sənət və heykəltaraşlıq nümunələri xüsusi maraqla izlənilib.
Bu ziyarət tələbələrə ədibin yaradıcılığını daha dərindən anlamaq, onun Azərbaycan ədəbiyyatında oynadığı rolu və verdiyi töhfələri bir daha dərk etmək fürsəti verib.