• 09 Dec 2024

25-29 noyabr tarixlərində Azərbaycan Respublikası Gənclər və İdman Nazirliyinin maliyyə dəstəyi və “Yeni Yol” Gənclərin Maarifləndirilməsi İctimai Birliyinin təşkilatçılığı ilə “Qarabağ Gənclərinin Karyera Düşərgəsi” layihəsi keçirilib.
Göygöl şəhərində baş tutan 5 günlük düşərgədə Bakı Avrasiya Universitetini Regionşünaslıq və iqtisadiyyat fakültəsinin Beynəlxalq münasibətlər ixtisasında təhsil alan tələbəsi Hünər Alxanov təmsil edib.
Düşərgədə kompleks təlim proqramı vasitəsilə iştirakçılar karyera quruculuğu və şəxsi inkişafla bağlı yeni bilik və bacarıqlara yiyələnmiş, həmçinin müxtəlif vörkşoplarda iştirak edərək təcrübə qazanıblar. Eyni zamanda, Göygölün təbiəti və tarixi yerlərinə ekskursiyalar təşkil edilib.
Qeyd edək ki, 456 gəncin müraciət etdiyi düşərgədə yalnız 25 nəfər iştirak etmək hüququ qazanıb.