• 31 Jul 2024

Bakı Avrasiya Universiteti Dövlət İmtahan Mərkəzinin təşkil etdiyi təhsil sərgisinin açılışında iştirak edib.

Ölkəmizdə fəaliyyət göstərən 40-a yaxın dövlət və özəl ali təhsil müəssisələrinin təmsil olunduğu  sərgidə  BAAU  stendinə abituriyentlər böyük maraq göstərib. Universitet  nümayəndələri ixtisaslar, tədris proqramları, maddi-texniki baza, təhsil haqqı, güzəştlər, təqaüd proqramları və digər məsələlərlə bağlı ziyarətçiləri maraqlandıran sualları cavablandırıblar. Əvvəlcədən təyin olunmuş zalda isə  BAAU  haqqında geniş təqdimat keçirilib.

Qeyd edək ki, təhsil sərgisi avqustun 2-dək Dövlət İmtahan Mərkəzinin elektron imtahanlar korpusunda davam edəcək.

Sərginin keçirilməsində məqsəd ixtisas seçimindən öncə abituriyentləri ali təhsil müəssisələrinin mövcud imkanları ilə tanış etmək və onların ixtisas seçiminin müəyyən olunmasına dəstək göstərməkdir.