• 21 Nov 2024

Bakı Avrasiya Universitetinin (BAAU) Elmi Şurası 2024/2025-ci tədris ilinin payız semestrinin imtahan sessiyasında test üsulunun tətbiqi barədə qərar verdi. Qərara əsasən Azərbaycan tarixi və Fəlsəfə fənləri üzrə imtahanlar test üsulu ilə keçiriləcək.
Test üsulu ilə keçirilən imtahanlar, şəffaflıq və ədalətlilik prinsiplərinə əsaslanaraq, tələbələrin akademik performansını daha dəqiq şəkildə ölçməyə imkan verəcək.
Bu təcrübə, həmçinin növbəti semestrlərdə digər fənlər üzrə də imtahanların test üsulu ilə keçirilməsi üçün zəmin yaratmaqla, Universitetdə tədrisin keyfiyyətinin artırılmasına yönəlik müsbət bir addım olacaqdır.
Universitet təhsilalanlarının akademik inkişaflarını dəstəkləyən bu addım onların təhsil prosesinə olan etimadlarını daha da gücləndirəcəkdir.