• 24 Dec 2024

Bakı Avrasiya Universitetində Füzuli - 530 -a  həsr olunmuş tədbir keçirilib.
Tədbirdə Məhəmməd Füzuli Füzulisevərlər tərəfindən yenidən yad edilib.
Dəyirmi masada filologiya üzrə fəlsəfə doktoru, dosent Xatirə xanım Yusifli şairin türkcə divanının ən qədim əlyazması ilə, H.Araslı nəşrini müqayisə edərək, maraqlı faktları qonaqlarla bölüşüb.
Filologiya üzrə fəlsəfə doktoru, dosent Ruhəngiz xanım Cümşüdlü Füzulinin ərəbcə yaradıcılığının tədqiq tarixinə nəzər salıb, şairin ərəbcə yaradıcılığının özəllikləri haqqında danışıb.
Filologiya üzrə fəlsəfə doktoru, dosent Səadət Şıxıyeva isə bu il Füzulinin doğum ilinin 530, Şah İsmayılın vəfatının 500 illiyi olduğunu qeyd edərək, hər iki şairin ədəbi - fikri əlaqəsindən söz açıb. Füzulinin hökmdar və şair Xətaiyə münasibətidən bəhs edib.