• 04 Nov 2024

Bakı Avrasiya Universitetinin (BAAU) Karyera və Təcrübə Mərkəzinin təşkilatçılığı ilə tələbələr üçün “Natiqlik” və “Ünsiyyət bacarıqları” mövzularında təlimlər keçirilib. Təlimlər yumşaq bacarıqlar və karyera planlaması üzrə mütəxəssis Rəqsanə İbrahimova tərəfindən keçirilib. Təlimlərdə BAAU-nun tələbələri iştirak ediblər.
Təlim zamanı tələbələrə insanlarla effektiv ünsiyyət qurmaq, öz fikirlərini aydın və inamla ifadə etmək, habelə emosional intellektin düzgün idarə olunması haqqında nəzəri və praktiki biliklər verilib. R.İbrahimova iştirakçılara müxtəlif real həyati situasiyalar üzərində çalışaraq, işgüzar ünsiyyət mədəniyyəti, bağışlamağın əhəmiyyəti və inamlı davranış tərzinin münasibətlərdəki rolu haqqında dəyərli məlumatlar çatdırıb.  
Təlimlərin təşkilində əsas məqsəd tələbələrin həm şəxsi, həm də peşəkar həyatlarında daha təsirli ünsiyyət bacarıqları qazanılmasına dəstək vermək olub. Təlimlər interaktiv keçib və tələbələrin fəal iştirakı ilə maraqlı müzakirələrlə zəngin olub.