• 20 Apr 2024

Bakı Avrasiya Universitetinin  dosentləri Aynurə Hümbətova və Jalə İsmayılova Erasmus + çərçivəsində  Juria Stroosmayera Universitetinin (Pozega filialı) "Staff Visiting Project" layihəsində tədris proqramının aparılmasında  iştirak ediblər. Əməkdaşlarımız ilk olaraq  beynəlxalq konfransda  Azərbaycan Respublikası və Bakı Avrasiya Universiteti haqqında təqdimatla çıxış ediblər. Dosent Jalə İsmayılovaya universitetin  “Tourism and Rural development” fakültəsində  "Turizmdə istehsalçı davranışı" dərsində interaktiv və müqyisə medodlardan istifadə edərək Azərbaycan və Xorvatiyanın turizm sektorunun müasir inkişafının oxşar və fərqli tərəflərini təqdim edib. Dosent Aynurə Hümbətova isə iştirak etdiyi dərsdə əcnəbi tələbələrə ingilis dilinin əsas qrammatik inkişaf qanunauyğunluqlarının müasir nəticələrini izah edib.   Eyni zamanda o,  Azərbaycan barədə nümayiş etdirdiyi video və təqdimatla tələbələrə ölkəmizlə bağlı maraqlı faktlar çatdırib. Dərs interaktiv şəkildə keçirilib.  Layihə üzrə təyin edilmiş İnternational Staff Week zaman qrafiki əsasında akademik heyət fəaliyyət göstərib.    Mübadilə kontekstində innovativ kurikulumlar inkişaf etdirilib,  təhsil və onun qlobal əhəmiyyəti beynəlxalq əməkdaşlıq fonunda təcrübədən keçirilib. BAAU-nun müəlimləri proqram çərçivəsində xorvat dilinin tədrisi dərsində, turizmdə süni intellekt seminarında iştirak ediblər.  Universitetin yerləşdiyi Pozega şəhər turu,  şərabçılıq turu və şərab dequstasiyasına  səfər təşkil olunub. Universitetin təşkil etdiyi  nahar zamanı proqramda fərqli ölkələri təmsil edən müəllimlər milli mətbəx nümunələrini nümayiş etdiriblər. BAAU-nun əməkdaşları  Azərbaycan  milli şirniyyatlarını proqram iştirakçılarına təqdim ediblər. Mübadilə proqramı və əməkdaşlıq səmərəli keçib. Mübadilə çərçivəsində iştirakçılar  tədris planını daha da inkişaf etdirmək imkanı əldə ediblər.