• 21 Nov 2024

Bakı Avrasiya Universitetində (BAAU) Azərbaycan və dünya ədəbiyyatı kafedrası kafedrasının müdiri, prof. Elmira Məmmədova-Kekeçin yeni nəşr olunan “Ekopoetika və Kıbrıs türk şeiri” kitabının təqdimatı keçirilib. Əsər, müasir dövrün ən aktual problemlərindən olan ətraf mühitin qorunması ilə ədəbiyyatın kəsişmə nöqtəsində dayanaraq, ekoloji poeziya ilə Kıbrıs türk şeirinin unikal sintezini təqdim edir.
Təqdimat mərasimində çıxış edənlər arasında tanınmış alimlər, müəllimlər yer aldı. Onlar kitabın ekoloji şüurun formalaşmasında rol oynayacağını vurğuladılar.
Tədbirdə Elmira Fikrətqızı kitabın yazılma prosesindən bəhs etdi və ekopoetikanın gələcəkdə ədəbiyyatda daha geniş yayılacağına inandığını bildirdi.
Təqdimat zamanı kitabdan seçilmiş hissələr oxundu və auditoriya tərəfindən böyük rəğbətlə qarşılandı. Tədbir iştirakçıları Elmira Fikrətqızının bu istiqamətdə apardığı araşdırmanın elmi və mədəni-mənəvi dəyərini yüksək qiymətləndirdilər.
Elmira Fikrətqızının “Ekopoetika və Kıbrıs türk şeiri” kitabı, ədəbiyyat və ekoloji düşüncə arasında körpü quraraq, oxucuları təbiətin qorunması mövzusunda düşünməyə dəvət edir. Kitabın təqdimatı bir daha sübut etdi ki, elm və ədəbiyyat bir araya gələndə, böyük və mənalı işlərə imza atmaq mümkündür.
Bu əsərin geniş oxucu kütləsi arasında yayılması həm ədəbiyyatsevərlər, həm də ekoloji maarifləndirmə üçün mühüm bir addım olacaq.