• 23 Oct 2023

Özbəkistanın Cizzak Pedaqoji Universiteti, İpək Yolu Araşdırması Akademiyası və Bakı Avrasiya Universiteti də daxil olmaqla 25 universitetin birgə iştirakı ilə I Özbəkistan-Azərbaycan Təhsil Tədqiqatları və İnnovasiyalar Üzrə Akademik Forumu - “Ruhlandırıcı regional əməkdşlıq” mövzusu ilə 21 oktyabr 2023-cü il tarixində baş tutmuşdur. Onlayn və fiziki formatda keçən tədbirin məqsədi beynəlxalq mübadiləni təşviq etmə, mədəniyyətlərarası maarifləndirməni asanlaşdırma, fənlərarası müzakirələri genişləndirmək olmuşdur. Açılış mərasimində Cizzak Pedaqoji Universitetinin rektoru, prof. Şavkat Şarifov, Daşkənd Dövlət Şərqşünaslıq Universitetinin rektoru, prof. Gülçöhrə Rikşiyeva, Qarakalpaq Dövlət Universitetinin rektoru, prof. Ahməd Reymov, Naxçıvan Dövlət Universitetinin rektoru, prof. Elbrus İsayev,  Buxara  Dövlət Universitetinin rektoru, prof. Obidjon Həmidov, Urgenc Dövlət Universitetinin rektoru, prof. Bəhram Abdullayev, Bakı Avrasiya Universitetinin prorektoru, prof. Gülzar İbrahimova iştirak edərək aktual məsələlərin müzakirəsi baxımından tədbirin əhəmiyyətini qeyd ediblər. Forum 13 bölmədə  88 məruzənin dinlənilməsi ilə davam edib.