• 13 May 2024

BAAU-nun “Regionşünaslıq və iqtisadiyyat” fakültəsinin “İqtisadiyyat” kafedrası tələbələrinin karyera planlaması bacarıqlarına yiyələnməsi məqsədilə  növbəti təlim keçirib. “Karyera planlaması: CV tərtibi” adlı təlimdə müəyyən uğur qazanmaq istəyən hər kəs və istənilən ixtisas üçün karyera planlamasının vacib olduğu qeyd edilib. Təlimçi Mandola Akademiyasının təsiscisi və rəhbəri Zarina Hüseynli “Karyera planlanması” fənni çərçivəsində 3-cü kurs tələbələrinə  CV tərtibinin müasir standartlarını təqdim edib. Kafedranın fənn müəllimi Vüsalə Bayramova karyera planlamasının nəzəri əsaslarından danışıb.  

Sonda “İqtisadiyyat” kafedrasının müdiri İlhamə Aslanova  tədbirin əhəmiyyətini vurğulayaraq bildirib ki, tələbələrin doğru-düzgün karyera planlaması bacarıqlarına yiyələnməsi müasir dövrün əsas tələblərindən biridir. Əmək bazarında istək və arzuya müvafiq yer tutmaq üçün ən yaxşı mütəxəssislərin də ehtiyacı olan bu sahə hər zaman təhsilverənlərin diqqət mərkəzindədir.

Sonda təlimçiyə “təşəkkürnamə”, iştirakçı tələbələrə isə sertifikatlar təqdim olunub.