• 26 Dec 2023

26 dekabr 2023-cü il tarixində Bakı Avrasiya Universitetinin Tərcümə kafedrasının baş müəllimi Zəkiyyə Qurbanova və Nərgiz İsmayılovanın təşkilatçılığı ilə "Almaniyada Milad bayramı" (Weihnacht in Deutschland) adlı tədbir keçirilib. Tədbirdə Filologiya fakültəsinin dekanı dosent Salman Süleymanov, Tədrisin təşkili departamentinin rəhbəri Natella Quliyeva, Tərcümə kafedrasının müdiri dosent Sevda Rzayeva və digər qonaqlar iştirak edib. Tədbiri musiqi parçası ilə açan tələbələr Milad bayramının tarixi, adət-ənənələri, simvolları barədə maraqlı məlumatlar verib. Ardından tələbələr İsa Məsihdən bəhs edən “Qeyri adi qonaq” adlı səhnəciklərini nümayiş etdiriblər. Tədbirin sonunda tələbələr tərəfindən hazırlanmış Alman mətbəxinə aid müxtəlif şirniyyatlar və təamlar qonaqlara təqdim olunub.