• 06 May 2025

Bakı Avrasiya Universitetində (BAAU) təhsil alan əcnəbi tələbələrin akademik və sosial mühitə inteqrasiyasını gücləndirmək, onların təklif və istəklərini dinləmək məqsədi ilə dəyirmi masa təşkil olunub. 

Tədbirdə BAAU-nun Beynəlxalq əlaqələr üzrə prorektoru dos. Sevda Rzayeva, Beynəlxalq əlaqələr departamentinin rəhbəri Rəşad Alıyev, Əcnəbi tələbələrlə iş sektorunun müdiri Ağa Əsgərov ilə baş mütəxəssisi Rahilə Xəlilova və əcnəbi tələbələr iştirak edib.

Dəyirmi masa zamanı əcnəbi tələbələr universitetdəki tədris prosesinin keyfiyyəti, müəllimlərlə ünsiyyət, dərs materialları, sosial fəaliyyətlər, həmçinin texniki imkanlarla bağlı fikirlərini və təkliflərini bölüşüblər. 

Tədbir, iştirakçıların suallarının cavablandırılması ilə yekunlaşıb.

BAAU-da hal-hazırda 18 xarici ölkədən əcnəbi tələbə ali təhsilin bütün səviyyələri üzrə təhsil alırlar.